اعلانات

الثلاثاء، 25 سبتمبر 2012

ودي اموت اليـــوم

ودي أموت اليوم...
وأعيش باكر!!
وأشوف من هو بعد موتي: فقدني
ومن هو حملني لين
ذيك.. [المقابر]
وأشكر أنا كل من كرمني ودفني!
وبشوف يرثيني أنا كم شاعر؟!
ومن هو تركني وماكتب شي عني
وشخص تعنى لي مع إنه مسافر
وشخص ( قريب )
وأنا ميت طعني..!!
وشخص يمثل دمعته...
ماهو قادر
وشخص تطيح دموعه كل ماذكرني
ومنهو من أهلي فالعزا.. كان حاضر
ومنهو دعا لي في صلاته ورحمني
ومنهو بنى
[ بإسمي ] سبيل ومنابر؟!
ومن هو يفز قلبه إلا من لمحني
ومنهو عشان يطول الأيام ساهر
ومن هو ثلات أيام
راح / وتركني
ومن هو يرتب:
غرفتي / والدفاتر
وإن شاف (صوره) لي...!
صاح وحضني
يا الله .. عسى : ماتغفى كل المشاعر
وياالله عسا ما ينصدم يوم ظني!
خايف يروح العمر
وأكون حاسر
وإن طار طيري مايفيد التمني
وخايف يجيني وقت أكسر الخواطر
إن دارت الدنيا.. وزماني كسرني
ومدام هذي الدنيا صارت مظاهر
وكل من على كيفه وجوه / يغني
الضيق وافي والحزن حيل وافر
والجرح أكثر شي شفته في حزني
عايش وميت بين ماضي وحاضر
والصبر (مفتاح الفرج)..
ضاع مني!!
قل وش تبي وتتركني ياحزني آمر
مسكين فرحي تصدق إنه وحشني
شاعر ..! لكني ماني بشاعر
ودي أموت اليوم وأرتاح مني..!




لمتابعة صفحتي على التويتر
https://twitter.com/isaalhaddad

ليست هناك تعليقات:

إرسال تعليق

Source : http://fr3st.blogspot.com/2012/05/add-shareaholic-sassy-bookmarks-to.html#ixzz1vjUMqRHf