ياقلبي ياموجوع

كلمات تتحدث عن لسان حالي .....   للمطرب حمزه  نمره .... 
 
طعم البعاد صبار
والغربه ليل بهتان
ياقلبى يا موجوع
اياك تكون قلقان
لو طالت المسافات
انا والامل اخوات
وتالتنا كان الليل
ده انا ليا فيها النيل

وليها فيا الروح
ماخترتش انى اروح
مانا جوعى كان كفران
ملعون ابوك يا طموح

اخرك تشوفلى كفيل
لكنى مش قلقان
تذكرتى رايح جى
انا مش فى بلدى عويل

لكنى مش بتشاف
زهره سنينى عجاف
مع انى ليا عزيز
افتونى فى رؤياي

لموا الامانى ازاى
حطوها على الباسبور
احلامى صبحت بور
ممنوع عليها الضئ

لكنى مش قلقان
تذكرتى رايح جى
البعد عنك خوف
وانا على الرجوع ملهوف

لكنى هعود ازاى
ومكانى كله ضيوف
ياقلبى ياموجوع
يا اهه حاضنه دموع

حب البلد بيعيش
لما يموت الجوع
ياحضن بيساعنى
واحتجت له وباعنى




..................


اختنقت  من الغربة ...........
غربة  وطن وغربة رووح